भोजपुरी समय,नई दिल्ली: कांग्रेस पार्टी से इस्तीफा दिहला के बाद मंगर के दिन भर सस्पेंस बनवला के बाद आज ज्योतिरादित्य सिंधिया बीजेपी के मुख्यालय पहुंच के हर तरह के कयासन पर विराम लगा दिहले बाड़े। बीजेपी के राष्ट्रीय अध्यक्ष जेपी नड्डा के सोझा बीजेपी के सदस्यता लिहले। एह अवसर पर पार्टी के राष्ट्रीय उपाध्यक्ष विनय सहस्त्रबुद्धे आ बीजेपी के प्रदेश अध्यक्ष बी.डी. शर्मा भी उपस्थित रहले।
ऐने ईहो खबर आ रहल बा कि बीजेपी के राष्ट्रीय उपाध्यक्ष प्रभात झा एह सभ से नाराज़ बाड़े आ ऊ आपन नाराजगी के राष्ट्रीय नेतृत्व के सोझा दर्शा दिहले बाड़े।
सिंधिया हो सकतारे राज्यसभा के उम्मीदवार
बीजेपी के सूत्रन से मिल रहल जानकारी के मुताबिक मध्यप्रदेश से राज्यसभा के खाली हो रहल तीनगो सीटन में से एगो पर सिंधिया के उम्मीदवार बनावल जा सकता ओहिजा दोसरा सीट पर हर्ष चौहान के उम्मीदवार बनावे के चर्चा चल रहल बा।
