सरकार कृषि कानूनन के डेढ़ साल खाती स्थगित करे खाती तइयार

समाचार डेस्क, भोजपुरी समय

किसान संगठन अउरी सरकार के बीच 20 जनवरी बुधवार के 10वां दौर के बातचीत भइल हऽ। एह बातचीत के केवनो नतीजा ना निकलल हऽ। बेनतीजा बातचीत के देखत अउरी गतिरोध खत्म करे खाती सकार सरकार तीनों कृषि कानूनन के कार्यान्वयन के डेढ़ साल ले खाती स्थगित करे प्रस्ताव देले बे ताकि एह समय में किसान अउरी सरकार चर्चा कऽ के समस्या के समाधान निकाल सकें।

किसान संगठन सरकार के एह प्रस्ताव के अभी तुरन्त केवनो उत्तर नइखन सऽ देले। उत्तर देबे खाती किसान संगठन 22 जनवरी ले के समय मंगले बाड़े ताकि सगरी किसान संगठन एह बिसय पऽ चर्चा कऽ सके।

21 जनवरी बृहस्पतिवार के किसान संगठनन के एह बिसय पऽ बैठक होई।

Related posts

Leave a Comment

1 × one =